🙏🌹श्री स्वामी समर्थ🌹🙏

🙏🌹श्री स्वामी समर्थ🌹🙏

कोजागिरी पौर्णिमेच्या दिवशी प्रत्येकाने घरी करावयाचा लक्ष्मी-इंद्र-कुबेर-चंद्र- पूजनाचा कार्यक्रम-----

     शक्यतो हा कार्यक्रम घरीच करावा कारण वरील देवता या दिवशी पृथ्वीतलावर आशीर्वाद देण्या साठी येत असतात त्यांना अमृताचा म्हणजे दूध (बासुंदी) याचा नैवैद्य लागतो . 

    अश्विन शुद्ध पौर्णिमा म्हणजेच   कोजागिरी पौर्णिमा ! या रात्री शरदाच्या चांदण्यात जे लोक जागरण करतात त्यांना देव प्रसन्न होतात असा समज आहे.रात्री ही सर्व देवता पृथ्वी वर विचरण करतात कोण जागी आहे कोण पूजा करत आहे असे बघतात जे जागरण करून पूजा करतात त्यांच्यावर सर्व देवता प्रसन्न असतात त्यांना सुख समाधान व संपत्ती लाभते व झोपलेल्या व आळशी लोकांवर ती रागावते 🙏

कोजागिरी म्हणजे को जागरती म्हणजे कोण जगतोय या वरून कोजागिरी नाव पडले🙏

 *पूजाविधी मांडणी*

     मांडणी करतांना एका पाटावर किंवा चौरंगावर 

1) गणपती चे प्रतीक म्हणून नागवेल चे जोड पानावर एक सुपारी

2) लक्ष्मी चे प्रतीक म्हणून जोड पानावर एक सुपारी

3) कुबेर चे प्रतीक म्हणून जोड पानावर एक सुपारी

4) तांदुळाच्या राशीवर भरलेला तांब्याचा तांब्या त्यात आंब्याचा डगळा इंद्राचे प्रतीक म्हणून घ्यावा

5) चंद्राचे प्रतीक म्हणून चंदनाचा भरीव गोल बनवावा

6) 12।30 ला पूजेच्या पाटासमोर दुधाचे भांडे ठेऊन सर्व देवांना हळद कुंकू, पांढरी फुलं, अक्षदा, अष्टगन्ध वाहून पूजा करावी .दुपारीच तुळशीपत्र तोडून ठेवावे.नैवेद्यात तुळशीपत्र टाकावे.नैवैद्य दाखवावा व प्रार्थना म्हणावी-------

      *प्रार्थना*

*ऋण रोगादी दारिद्र्यम अपमृत्यु भय ।शोक मनस्ताप नाशयंतु मम् सर्वदा।।*

      पूजा 12 वाजेच्या आत मांडून ठेवावी. 12 ते 12।30 या काळात लक्ष्मी प्राप्ती ची सेवा करावी त्यात 

   1) श्री स्वामी समर्थ या मंत्राचा जप,   2) श्री लक्ष्मी गायत्री मंत्र,   3) श्री विष्णू गायत्री मंत्र,  4) कुबेर मंत्र प्रत्येक एक माळ जप करावा तसेच 5) 16 वेळा श्री सूक्त, 6) श्री व्यकटेश स्तोत्र 1वेळा,  7) गीतेचा 15 वा अद्ध्याय अशी ही सेवा करायची आहे  🙏🙏👆